තමන් ඉංග්‍රීසි ගුරුවරයෙකු බව මීට පෙර මාධ්‍ය හමුවේ පාරම්බෑ නියෝජ්‍ය අමාත්‍ය මහින්ද ජයසිංහ කොළයක ලියාගෙන පැමිණ ගාලුමුවදොර පිටියේදී ඉංග්‍රීසියෙන් අදහස් දැක්වීමේදී සිදුකළ බරපතල ව්‍යාකරණ හා උච්චාරණ දෝෂ පිළිබඳ හෙළිදරව්ව.

GSP+ සහ මත්ද්‍රව්‍ය විරෝධී සමුළුවලදී අමාත්‍ය විජිත හේරත් 'ඇන්ටික් නාකොටික්' ආදී වශයෙන් වචන උච්චාරණය කිරීම, සුනිල් හඳුන්නෙත්ති සහ අනෙකුත් මන්ත්‍රීවරුන් ජාත්‍යන්තර සාකච්ඡාවලදී ඉංග්‍රීසි භාෂාව හැසිරවීමට යාමේදී සිදුවන හාස්‍යජනක වැරදි.

'සහන වැස්සක්' ලබාදෙන බවට පොරොන්දු දුන්නද දිට්වා සුළි කුණාටුවෙන් විපතට පත්වූවන්ට නිසි වන්දි නොලැබීම, හක්ගල ප්‍රදේශයේ මාස ගණනාවක් කූඩාරම්වල ජලය හා විදුලිය නොමැතිව පීඩා විඳින ජනතාව සහ ආපදා සහන නිලධාරීන් 16,000ක් වර්ජනයක නිරත වීම.

මාතර රාහුල විද්‍යාලයේ ආදි සිසුන් සහ තරුණයන් පෞද්ගලිකව එකතු කළ ආධාර තමන්ගේ 'රතු තරුව' සහන සේවාවක් ලෙස හුවාදක්වමින් ඇමති සමන්ත විද්‍යාරත්න සහ සුනිල් හඳුන්නෙත්ති ප්‍රචාරය ලබාගැනීම පිළිබඳ පවුලේ සාමාජිකයින් කළ හෙළිදරව්ව සහ ටකරමක් ගියත් ලක්ෂ 10ක් දෙන බවට දුන් පොරොන්දු කඩවීම.

දිට්වා සුළි කුණාටුවෙන් කැඩීගිය දුඹුල්ල ලේවැල්ලයාය පාලම මාස 4ක් තිස්සේ නොසාදා වැලිකොට්ට අතුරා තැබීම නිසා වැසි සමඟ සේදී යාම සහ විපතට පත් ජනතාවට නිවාස තනා ගැනීමට රජය ලබාදුන් චෙක්පත් බැංකුවලින් අගරු වී ආපසු හැරී ඒම.

දිට්වා සුළි කුණාටුවෙන් විපතට පත් ලක්ෂ එකහමාරක් තවමත් අවතැන් කඳවුරු 20ක කොටුවී සිටින බවත් වන්දි ගෙවීම් නැවතී ඇති බවත් එක්සත් ජාතීන්ගේ වාර්තාවක් මගින් හෙළිවීම, කැඩීගිය මොරගහකන්ද පාලම මාස පහක් ගතවුවද අලුත්වැඩියා නොකිරීම සහ නිවාස අහිමිවූවන්ගේ වැසි නොතකා කළ උද්ඝෝෂණ.

පවුල් 7,000කින් වන්දි ලබාදී ඇත්තේ 900කට පමණක් බව හෙළිවීම, ගම්පොල උඩපළාත ප්‍රාදේශීය ලේකම් කාර්යාලයේ කාමරවල බෙදා නොදී සඟවා ඇති ආපදා ආධාර සහ මීරිගම ප්‍රාදේශීය සභාවේ උප සභාපතිවරයා දිට්වා ආධාර බංකර් ගසා සඟවාගෙන සිටින බවට එල්ලවන චෝදනා.

මැදුම්බර කොටගහ වතුයායේ පේළි නිවාස විනාශ වූ ජනතාව තවමත් කූඩාරම්වල ජීවත්වීම, නායගිය මාර්ග වෙනුවට ලෑලි දමා තාවකාලික පාරවල් සකස් කිරීම, පන්සල් ඉඩම් යැයි පවසමින් දිට්වා වන්දි අත්හිටුවීමට එරෙහිව මිණිපේ ප්‍රාදේශීය ලේකම් කාර්යාලය ජනතාව විසින් වැටලීම.

ජනාධිපති ලේකම් කාර්යාලය යටතේ පිහිටවූ Rebuilding Sri Lanka අරමුදල වෙත රුපියල් බිලියන 6.1ක් සහ ඇමරිකානු ඩොලර් මිලියන 11.4ක් ලැබී ඇති බව තොරතුරු දැනගැනීමේ පනත (RTI) මගින් තහවුරු වුවද, ඊට අදාළ කිසිදු විගණන වාර්තාවක් හෝ මුදල් වියදම් කළ ආකාරය පිළිබඳ තොරතුරු නොමැති බව හර්ෂ ද සිල්වා සහ රෙහාන් ජයවික්‍රම හෙළිදරව් කිරීම.

දිට්වා සුළි කුණාටු ආපදාවෙන් විපතට පත්වූවන්ට ආධාර පිණිස ලැබුණු මුදල් මාස 7ක් තිස්සේ කිසිදු වියදම් කිරීමකින් තොරව රඳවාගෙන සිටීම, භාණ්ඩාගාර නියෝජ්‍ය ලේකම් නමින් රුපියල් මිලියන 5656ක් ගිණුම්වල තබාගෙන සිටින බව ජාතික විගණන කාර්යාලය හෙළිදරව් කිරීම සහ ජපානයෙන් ලැබුණු මිලියන ගණනක ආධාර ලියකියවිලි අස්සේ හිරවීම.