රවී සෙනෙවිරත්න සහ ශානි අබේසේකර මහත්වරුන්ට තනතුරු ලබාදෙන ලෙස මැල්කම් කාදිනල් රංජිත් හිමිපාණන් ඉල්ලා සිටි බවට අමාත්‍ය බිමල් රත්නායක කළ ප්‍රකාශය සම්පූර්ණ අසත්‍යයක් බව දන්වමින් අගරදගුරු මැදුර නිල නිවේදනයක් නිකුත් කිරීම.

ශ්‍රීලංකන් ගුවන් සේවය සඳහා වසර 14ක් පැරණි එයාර්බස් A330-200 ගුවන් යානයක් මසකට ඇමරිකානු ඩොලර් 275,000 ක අධික මුදලකට වසර 8ක් සඳහා ඩොලර් මිලියන 26.6ක පාඩුවක් ලබන අයුරින් බදු ගැනීමට කටයුතු කිරීම පිළිබඳ ආන්දෝලනය.

යුරෝ 4 ප්‍රමිතියට නොගැලපෙන මෙට්‍රෝ බස් රථ වෙනුවෙන් රුපියල් කෝටි 80ක් වැය කිරීම, මොරගොල්ල ජලාශයේ ජල මට්ටම පේරාදෙණිය පාලම දෙසට අවදානමක් ඇති කිරීම සහ හෝමාගම බෝතලේගම මාර්ගය මැද විදුලි කණු තබා කාපට් කිරීම.

මෝටර් රථ ප්‍රවාහන දෙපාර්තමේන්තුව හඳුන්වා දුන් විදුලි වාහන කොළ පැහැති අංක තහඩු පිළිබඳව රථවාහන පොලිසිය දැනුවත් නොවීමෙන් රියදුරන් අපහසුතාවට පත්වීම සහ ලෝකයේ නරකම රථවාහන තදබදය සහිත රටවල් අතරින් ශ්‍රී ලංකාව 3 වන ස්ථානයට පත්වීම.

හම්බන්තොට වරාය සමාගම රුපියල් මිලියන 120ක වාරික තක්සේරු බදු පැහැර හැරීම, කොළඹ වරායේ ඩොලර් මිලියන 100ක ලුණු බහාලුම් විනාශ වීම සහ කෑගල්ල මහ නගර සභාවේ මාලිමා මන්ත්‍රී කසුන් මධුසංඛ රුපියල් කෝටි 2ක මූල්‍ය වංචාවකට රිමාන්ඩ් වීම.

රුහුණ විශ්වවිද්‍යාලයේ මහාචාර්ය ධුරය දරමින් එකවර පාර්ලිමේන්තු මන්ත්‍රී ධුරයක් හා අමාත්‍ය ධුරයක් දැරීම නීති විරෝධී බව පවසමින් ග්‍රාමීය සංවර්ධන අමාත්‍ය උපාලි පන්නිලගේගේ මන්ත්‍රී ධුරය අහෝසි කරන ලෙස ඉල්ලා අභියාචනාධිකරණයට රිට් පෙත්සමක් ඉදිරිපත් වීම.

බුද්ධශාසන හා ආගමික කටයුතු අමාත්‍ය මහාචාර්ය හිනිදුම සුනිල් සෙනෙවි සබරගමුව සහ සෞන්දර්ය විශ්වවිද්‍යාල දෙකෙන්ම එකවර වැටුප් ලබාගැනීමේ චෝදනාව සහ බෞද්ධ විහාරස්ථාන සතු ඉඩම් පිළිබඳ සිදුකළ මතභේදාත්මක ප්‍රකාශ.

ආර්ථික සංවර්ධන නියෝජ්‍ය අමාත්‍ය නිශාන්ත ජයවීර මහතාගේ මැදිහත්වීමෙන් V&A Distilleries නීති විරෝධී මත්පැන් ජාවාරමට රැකවරණය ලබාදීම සහ මාලිමා හිතවතුන්ට සුරාබදු සහන හා බලපත්‍ර ලබාදීම පිළිබඳ චෝදනා.

වෙඩි තැබීම් සිදුව පැයක් ඇතුළත වෙඩික්කරුවන් අල්ලන බවට ආරක්ෂක නියෝජ්‍ය අමාත්‍ය අරුණ ජයසේකර කළ ප්‍රකාශයෙන් සුළු වේලාවකට පසු මතුගමදී වෙඩි තැබීමක් සිදුවීම සහ ආරක්ෂක අමාත්‍යාංශයේ නිල වෙබ් අඩවිය දේශපාලන ප්‍රචාරණයට යොදාගැනීම.

ශ්‍රී ලංකා ගුවන් හමුදාවේ ජ්‍යෙෂ්ඨ නිලධාරීන් මඟහරිමින් එයාර් වයිස් මාර්ෂල් සම්පත් ද කොස්තා මහතාට විශේෂ වරප්‍රසාද ලබාදීම සහ එක්සත් ජාතීන්ගේ මෙහෙයුම් සඳහා යොදවා ඇති MI-17 හෙලිකොප්ටර් නඩත්තු කිරීමේ බරපතළ ප්‍රමාදය.