හිටපු බලශක්ති අමාත්‍ය ඉංජිනේරු කුමාර ජයකොඩිට එරෙහිව පොහොර සංස්ථාවේ රුපියල් මිලියන 5ක මුදල් අවභාවිතය සම්බන්ධයෙන් කොළඹ මහාධිකරණයේ නඩු පැවරීම සහ මාර්ග කාපට් කිරීමේ දූෂණ සම්බන්ධයෙන් අල්ලස් කොමිසම විමර්ශන පැවැත්වීම.

විදුලිබල මණ්ඩලය ප්‍රතිව්‍යුහගත කිරීම සම්බන්ධයෙන් දුන් පොරොන්දු කඩකිරීම, සූර්යබල විදුලි නිෂ්පාදකයන්ගේ ගාස්තු කප්පාදු කිරීම මගින් පුනර්ජනනීය බලශක්ති ක්ෂේත්‍රය අර්බුදයට යැවීම පිළිබඳ චෝදනා.

සියඹලාණ්ඩුව මෙගාවොට් 100ක සූර්යබල ව්‍යාපෘතියේ ටෙන්ඩරය ඩොලර් ශත 8කට ලබාගත හැකිව තිබියදී ඩොලර් ශත 12.2ක අධික මිලකට ලබාදී වසරකට රුපියල් බිලියන 3ක පාඩුවක් රටට සිදුකිරීමට සැලසුම් කිරීම.

බදුල්ලේ ක්ලීන් ශ්‍රී ලංකා වැඩසටහන අසාර්ථක වී කුණු ගොඩගැසීම, අඟුණකොළපැලැස්සේ වෙළඳ කුටි 7ක් මාලිමා හිතවතුන් 7 දෙනෙකුට බෙදාදීම සහ තලංගම අපේක්ෂක ලීලාරත්නගේ ජපාන රැකියා ජාවාරම හෙළිවීම.

ඉඩම් හා වාරිමාර්ග නියෝජ්‍ය අමාත්‍ය අරවින්ද සෙනරත්ගේ පෞද්ගලික ලේකම්වරයා විසින් ප්‍රාදේශීය ලේකම්වරුන්ට බලපෑම් කර තර්ජනය කිරීම හේතුවෙන් ශ්‍රී ලංකා පරිපාලන සේවා නිලධාරීන්ගේ සංගමය දැඩි විරෝධය පළකිරීම.

වැලිපැන්නේ මාලිමා ක්‍රියාකාරිකයෙකු විසින් පොලිස් ස්ථානාධිපතිට මඩකලපුවට මාරුකරන බවට තර්ජනය කිරීම සහ අංක තහඩු නැති යතුරුපැදියක් අත්අඩංගුවට ගත් පොලිස් නිලධාරීන්ට බලපිටිය සභාපති අනුරුද්ධ මහවැලිගේ බැණවැදීම.

අනුරාධපුර මහ නගර සභාව මගින් ස්වභා උද්‍යානයේ විශාල ගස් කපාදමා පක්ෂ නායකයන්ගේ නම්වලින් මාර්ග නම්කිරීම සහ බේරුවල මාලිමා අපේක්ෂකයෙකුගේ අවන්හලක තිබී නරක් වූ ආහාර මහජන සෞඛ්‍ය පරීක්ෂකවරුන් අත්අඩංගුවට ගැනීම.

මාලිමා ජාතික ලැයිස්තු පාර්ලිමේන්තු මන්ත්‍රී ජගත් මනුවර්ණ මහතාට එරෙහිව රුපියල් ලක්ෂ ගණනක චෙක්පත් වංචා සහ මූල්‍ය අක්‍රමිකතා සම්බන්ධයෙන් කොළඹ කොටුව මහෙස්ත්‍රාත් අධිකරණයෙන් වරෙන්තු 4ක් නිකුත් වීම.

අනුරාධපුර මාලිමා මන්ත්‍රී සුසන්ත කුමාර නවරත්න විසින් මැදවච්චියේ අලි මංකඩ සහිත රක්ෂිත ඉඩම් අක්කර 50ක් ඩෝසර් කර අල්ලාගැනීම සහ තලාවේ මාලිමා අපේක්ෂක වසන්ත දිවාකර ඉන්ධන පෝලිම් වාර්තා කළ මාධ්‍යවේදීන්ට බැණවැදීම.

මාලිමා මන්ත්‍රී මොහොමඩ් ෆයිසාල්ගේ සුඛෝපභෝගී රථය වෙන්නප්පුවේදී 65 හැවිරිදි යතුරුපැදිකරුවෙකු මරාදැමීමේ සිද්ධියේදී ඥාති සහෝදරයෙකු රියදුරු ලෙස ඉදිරිපත් කිරීම සහ කක්කපල්ලියේදී තවත් අනතුරක් සිදුකර තාප්පයක ගැටීම.